Наши иницијативи

НАШИ ИНИЦИЈАТИВИ И АКЦИИ

Бидете во тек со нашите следни чекори, акции и хуманитарни иницијативи

● ШТО ПЛЕТЕМЕ ВО МОМЕНТОВ

Наскоро нови иницијативи!

Моментално ги подготвуваме следните иницијативи! Во меѓувреме, секогаш можете да се вклучите со донација на волница, предлог за нова акција или со придружување на нашите редовни кафе-средби.

● ШТО ПЛЕТЕМЕ ВО МОМЕНТОВ

Плетени и хеклани капи и шалчиња

Плетени и хеклани капи и шалчиња, во соработка со хуманитарната организација „Свети Спас“, наменети за учениците од ОУРЦ „Д-р Златан Сремец“ во Скопје (училиште за деца со пречки во развојот, мултихендикеп и аутизам). Акцијата опфаќа 125 деца на возраст од 6 години до тинејџери, со универзални големини и неутрални бои соодветни за момчиња и девојчиња.

ОУРЦ „Д-р Златан Сремец“ - Скопје
Kапи и шалчиња во неутрални бои (сино, бордо, окер, бело, жолто, сиво)
Мека памучна или акрилна волница
Рок на изработка: 15/12/2026

● ШТО ПЛЕТЕМЕ ВО МОМЕНТОВ

Плетени и хеклани играчки

Плетени и хеклани играчки од памучен конец кои ќе бидат донирани на дечињата кои заминуваат од своето лекување од одделот на Онкологија при Клиника за Детски болести – Скопје. Потребно е да се цврсто сплетени со цел да не излегува силиконското полнење низ дупчињата. Формата на играчките треба да поттикнува борбеност и охрабрување на децата дека се борци, се избориле со нивната деликатна состојба и да продолжат да се борат понатаму во животот.

Оддел за Хематологија и Онкологија при Универзитетската Клиника за Детски болести - Скопје
Играчки кои поттикнуваат охрабрување и борбеност
100% памучен конец, антибактериско силиконско полнење
Рок на изработка: 15/12/2026

ПРЕТХОДНИ АКЦИИ

● ЗАВРШЕНА АКЦИЈА

Плетени чорапчиња за новородени бебиња - Струмица

Во оваа акција беа изработени рачно плетени чорапчиња, наменети да донесат нежна топлина и удобност за новороденчиња во гинеколошкиот оддел при болницата во Струмица. Користен беше мек памучен конец и се работеше според шеми на плетење за да не се создадат дупчиња за малите прстиња на бебињата.

● ЗАВРШЕНА АКЦИЈА

Зимски плетени продукти за дечиња на Хематологија и Онкологија - Скопје

Акцијата неколку пати е повторена со плетени производи во неутрални бои, од памучна и акрилна волница. Изработени се капи, шалови, калчунки, чорапи, играчки, греачи за глава и ќебенце според потребите и возраста на децата. Продуктите беа распоредени на родителите кои беа во просториите на клиниката.

● ЗАВРШЕНА АКЦИЈА

Хеклани октоподи за предвремено родени бебиња: Скопје, Битола, Прилеп

Хеклани октоподи наменети за предвремено родени бебиња во инкубатор, со цел да ги допираат и држат нивните пипци наместо медицинските сонди и цевчиња. Пипците симулираат папочната врвца и на чувството на сигурност од периодот пред раѓањето, што може да помогне во смирувањето на бебињата. Акциите се реализираа преку неколку донации на пакети со плетени октоподи за ЈЗУ УГАК – Неонатологија во Скопје, каде што дел од донациите беа во соработка со НВО „Лулка“. Покрај Скопје, поддршка и пакети добија и неонатолошките одделенија во Битола и Прилеп.

● ЗАВРШЕНА АКЦИЈА

Голема акција на плетени ќебиња за доенчиња и мали деца - Битола

Оваа иницијатива важи за нашата најмасовна акција досега, во која се вклучија околу 90 хумани луѓе. Секој даде свој придонес – од донирање волница, облека, материјали за пакување, етикети и текстилни производи, па сè до плетење и шиење играчки, капи, облека, изработка на плетени квадрати и цели 141 ќебиња, нивно спојување, како и организациска поддршка.
Од нив 105 ќебиња беа донирани за децата во Битола, додека останатите 36 ќебиња, заедно со плетени капи, беа издвоени за донација на деца од ранлива група во Детски дом „11 Октомври“.

● ЗАВРШЕНА АКЦИЈА

Топли зимски производи за лица без постојано живеалиште - Скопје

Низ акциите создадовме над 500 парчиња рачно изработени капи, шалови, калчунки, ракавици и друго за нашите сограѓани без постојано живеалиште во Скопје. Производите беа лично поделени на корисниците на хуманитарната помош од „Вистински дела на љубезност“ од страна на организаторите на групата.

● ЗАВРШЕНА АКЦИЈА

Сензорни ракавици наменети за лица со деменција - Скопје

Сензорни ракавици (Twiddle Muff) кои се дел од ракав без прсти наменети да ја намалат анксиозноста кај лица со деменција.
Се носат на едната подлактица и овозможуваат допирање, вртење и тегнење со другата рака, помагајќи при смирување на вознемиреноста.

● ЗАВРШЕНА АКЦИЈА

Плетени ќебиња за лица во станбена единица за живеење со поддршка

12 рачно изработени плетени ќебиња се составени од плетени квадрати и се создадени во рамките на проектот „Заедно за повеќе можности и поддршка – ТИМОР“, со цел создавање подобри услови за живот на лицата со интелектуална попреченост во заедницата.